ملک احمد سعید خان ولد محمد حنیف خان 23 مارچ 1975 کو قصور میں پیدا ہوئے ۔ آپ نے 2000 میں پنجاب یونیورسٹی لاہور سے ایل ایل بی کی ڈگری حاصل کی ۔ آپ ایک زمیندار ہیں جو2002-07 کے دوران بطور رکن صوبائی اسمبلی پنجاب رہے اور بطور پارلیمانی سیکرٹری برائے اشتمال بھی خدمات سرانجام دیتے رہے ۔ آپ2013 کے عام انتخابات میں مسلسل دوسری مرتبہ پنجاب اسمبلی کے رکن منتخب ہوئے ۔آپ کے چچا حاجی سردار خان مسلسل تین ادوار 1985-93 کے دوران صوبائی اسمبلی پنجاب کے رکن رہے ۔آپ کے دوسرے چچا ملک رشیداحمد خان 1997-99 کے دوران پنجاب اسمبلی کے رکن رہے اور بطور پارلیمانی سیکرٹری سوشل ویلفئیر بھی خدمات سرانجام دیں ۔ آپ 2012-13 کے دوران ممبر قومی اسمبلی رہے اور اب بھی موجودہ رکن قومی اسمبلی ہیں اورآپ کے کزن ملک محمد احمد بھی 2002-07 کے دوران پنجاب اسمبلی کے رکن رہے اور بطور پارلیمانی سیکرٹری برائے پارلیمانی امور خدمات سرانجام دیتے رہے اور اب بھی موجودہ رکن صوبائی اسمبلی ہیں ۔
