سردارمحمد آصف نکئی ولد سردار محمد عارف نکئی 28 اگست 1960 کو قصور میں پیداہوئے ۔ آپ نے 1983 میں پنجاب یونیورسٹی لاہور سے گریجوایشن کی ۔ آپ 2001-02 کے دوران ناظم تحصیل کونسل پتوکی رہے ۔ آپ 2002 میں منعقد ہونے والے عام انتخابات میں دو نیشنل اسمبلی سیٹوں این اے ۔141 اور این اے ۔142پر ممبر منتخب ہوئے اور 2002-07 کے دوران بطور رکن قومی اسمبلی اور بطور وزیر مملکت برائے ہاؤسنگ اینڈ ورکس خدمات سرانجام دیں ۔ آپ نے وزیراعظم اور صدر کے نمائندے کی حیثیت سے امریکہ ، برطانیہ ، جرمنی ، سپین ، اٹلی کے سرکاری دورے کیے ۔ آپ ایک زمیندار ہیں جو 2008-13 کے دوران صوبائی اسمبلی پنجاب کے رکن رہے ۔ آپ 2013کے عام انتخابات میں مسلسل دوسری بار پنجاب اسمبلی کے رکن منتخب ہوئے ۔ آپ ایک شہرت یافتہ اور نامور سیاسی گھرانے سے تعلق رکھتے ہیں ۔ آپ کے والد گرامی مسلسل چار مرتبہ 1985-88، 1988-90، 1990-93 اور 1993-96 کے دوران پنجاب اسمبلی کے رکن رہے اور بطور وزیر مال ، وزیر جنگلات ،وزیر لائیو سٹاک اینڈ ڈیری ڈویلپمنٹ، وزیر صنعت ومنرل ڈویلپمنٹ اور 1995-96 کے دوران بطور وزیراعلیٰ پنجاب خدمات سرانجام دیں ۔ آپ کے بھائی سردار پرویز حسن 2002-07 کے دوران پنجاب اسمبلی کے رکن رہے ۔آپ کے چچا سردار عبدالحامد نکئی 1962-64 ،1965-69 اور 1985-88 کے دوران قومی اسمبلی کے رکن رہے ۔ آپ کے کزن سردار طالب حسین نکئی 1988-90، 1993-96، 2002-07، 2008-13 کے دوران قومی اسمبلی کے رکن رہے اور 2008-13 کے دوران بطور وفاقی وزیر ہاؤسنگ خدمات سرانجام دیتے رہے ۔
رہائشی : 042-36662333 , رہائشی : 35731433 , دفتر : 049-4528222 , دفتر : 049-4528111 , موبائل : 0344-5500000
