سردارنصراللہ دریشک ولد سردار بہادر خان دریشک28جون 1942 کوکوٹ بہادر ،ضلع راجن پور میں پیدا ہوئے ۔آپ نے 1962 میں گورنمنٹ کالج لاہور سے گریجوایشن کی ۔پنجاب یونیورسٹی لاء کالج لاہور سے 1964 میں ایل ایل بی کیا اور پنجاب یونیورسٹی ،لاہور سے 1966 میں ایم اے کیا ۔آپ 1972-77، 1977، 1985-88،1988-90 اور 1990-93کے دوران متواتر پانچ بار رکن صوبائی اسمبلی پنجاب رہے اور1973-75کے دوران بطور وزیر خوراک و کوآپریٹو ز ،1975-77کے دوران بطور وزیر برائے اریگیشن اینڈ پاور ، 1988-90کے دوران بطور وزیر آبپاشی ، قانون و پارلیمانی امور اور 1991-93کے دوران بطور وزیر برائے منصوبہ بندی و ترقیات اور قانون و پارلیمانی امور خدمات سرانجام دیں ۔آپ 1997-99 اور 2002-07کے دوران قومی اسمبلی کے رکن بھی رہے اور 2004-07کے دوران چیف وہپ کے طور پر فرائض سرانجام دئیے ۔آپ زمیندار اور صنعتکار ہیں جو 2013 کے عام انتخابات میں چھٹی بار رکن پنجاب اسمبلی منتخب ہوئے ہیں ۔آپ سعودی عرب ، دبئی ،چین ، برطانیہ ،فرانس اور جاپان کا سفر کر چکے ہیں ۔ آپ کے والدگرامی سردار بہادر خاں دریشک1947-49کے دوران رکن قانون ساز اسمبلی مغربی پنجاب ،1951-55کے دوران رکن قانون ساز اسمبلی پنجاب اور 1956-58کے دوران رکن صوبائی اسمبلی مغربی پاکستان رہے ۔آپ کے بڑے فرزند ،سردار حسنین بہادر دریشک 2002-07کے دوران پنجاب اسمبلی کے رکن رہے اوربطور وزیر خزانہ فرائض سرانجام دئیے ۔آپ کے دوسرے فرزند بیرسٹر سردارعلی رضا خان دریشک اورآپ کے پوتے سردار احمد علی خان دریشک بالترتیب پی پی ۔247 اور پی پی ۔243 سے موجودہ ایم پی ایز ہیں ۔
| حکومتی ادارے | عہدہ | عرصئہ ملازمت |
|---|---|---|
| صوبائی اسمبلی پنجاب | ایم پی اے | 1970-1977, 1977-1977, 1985-1988, 1988-1990 |
| قومی اسمبلی پاکستان | ایم این اے | 1997-1999, 2002-2007 |
| ملک | دورہ کا مقصد | دورانیہ |
|---|---|---|
| چین | سرکاری دورہ | |
| سعودی عرب | حج, عمرہ | 1991 |
| متحدہ عرب امارات | نجی دورہ |
