سردار قیصر عباس خان مگسی ولد سردار لعل حسین خان مگسی 15 مئی 1965 کو نواںکوٹ ،تحصیل چوبارہ ،ضلع لیہ میں پیدا ہوئے۔آپ نے بہاؤالدین زکریا یونیورسٹی ،ملتان سے گریجوایشن کی ۔ایک زمیندارہونے کی حیثیت سےآپ نے 2001-07کے دوران دو بار بطور تحصیل ناظم ،چوبارہ خدمات سر انجام دیں ۔2008-13کے دوران رکن صوبائی اسمبلی پنجاب رہےاور 2009-12کے دوران بطور چئیرمین قائمہ کمیٹی برائے امور داخلہ اور 2012-13کے دوران پارلیمانی سیکرٹری برائے ریونیو فرائض سر انجام دئیے ۔2013 کے عام انتخابات میں مسلسل دوسری بار رکن پنجاب اسمبلی منتخب ہوئے اور بطور چئیر مین قائمہ کمیٹی برائے ٹرانسپورٹ خدمات سر انجام دے رہے ہیں ۔آپ ایران ،عراق ،شام،سعودی عرب اور متحدہ عرب امارات کا سفر کر چکے ہیں۔
