ٕمخدوم سید محمد مسعود عالم ولد سید محمد عالم امجد یکم جنوری 1961 کو مظفر گڑھ میں پیدا ہوئے ۔آپ گریجوایٹ اور زمیندار پیشہ ہیں جنہوں نے دو دفعہ بطور رکن ضلع کونسل رحیم یار خان خدمات سر انجام دیں ۔تین سال بطور چئیرمین مارکیٹ کمیٹی ،لیاقت پور اور2000-04 کے دوران بطور تحصیل ناظم لیاقت پور بھی فرائض سر انجام دیئے۔1997-99 کے دوران رکن صوبائی اسمبلی پنجاب رہے اور 2013 کے عام انتخابات میں دوبارہ رکن پنجاب اسمبلی منتخب ہوئے اور بطور چئیرمین قائمہ کمیٹی برائے امورداخلہ فرائض سر انجام دے رہے ہیں ۔آپ سعودی عرب ،دبئی،ملاوی،برطانیہ اور چین کا سفر کرچکےہیں ۔آپ کے دادا مخدوم سید محمد محسن رکن قانون ساز اسمبلی بہاولپور رہ چکے ہیں ۔آپ کے چچا مخدوم سید احمدعالم 1985-1996اور 2002-07 کے دوران مسلسل چار بار رکن قومی اسمبلی رہے اور 1991-93 کے دوران بطور وفاقی وزیر مملکت برائے اوورسیز پاکستانیز فاؤنڈیشن فرائض سر انجام دئیے۔
