ڈاکٹر نجمہ افضل خان زوجہ رانا محمد افضل خان فیصل آباد میں پیدا ہوئیں۔آپ نے 1976میں لیاقت میڈیکل کالج حیدرآباد جام شورو سے ایم بی بی ایس کی ڈگری حاصل کی،1985-86 میں پوسٹ گریجوایٹ میڈیکل انسٹیٹیوٹ ،لاہور سے (چائلدہیلتھ)میں ایک سالہ ڈپلومہ حاصل کیا اور 1996 کے دوران نیپا لاہور سے ہسپتال مینجمنٹ کورس کیا ۔آپ نے 1978-85 کے دوران حکومت سعودی عریبیہ،ریاض وزرات صحت میں جنرل فزیشن کے طور پر خدمات انجام دیں۔آپ2011 سے الائیڈاور ڈی ایچ کیو ہسپتال اور نرسنگ سکول فیصل آباد میں بورڈ آف مینجمنٹ کے رکن کے طور پر خدمات سرانجام دیتی رہیں ۔آپ سیاسی سر گرم اور خواتین کے حقوق کی علمبردار ہونیکی حیثیت سے2008-14 کے دوران خواتین کرائسزسنٹر مینجمنٹ کمیٹی کی چیئرپرسن رہیں ۔2012-13 کے دوران زکوٰةوعشر کمیٹی ڈسٹرکٹ فیصل آباد کی رکن رہیں اور 2013 کے عام انتخابات میں خواتین کی مخصوص نشست پر رکن پنجاب اسمبلی منتخب ہوئیں ۔ آپ 2010 میں مظفرگڑھ اور عیٰسی خیل میں سیلاب متاثرین کی بحالی میں بھی سر گرم عمل رہیں ۔ آپ نے یو کے ،یوایس اے ،فرانس،اٹلی،سوئٹزرلینڈ ، جرمنی، ناروے،آسٹریا،مصر،دبئی،سعودی عرب اور سنگاپور کا سفر کیا۔آپ نے دولت مشترکہ پارلیمانی کانفرنس میں شرکت کے لئے سری لنکا اور ملائشیا کا دورہ کیا ۔آپ کے شوہر 1997-99اور 2008-13 کے دوران رکن پنجاب اسمبلی رہے اور موجودہ اسمبلی میں ممبر قومی اسمبلی ہیں ۔
