جناب خلیل طاہر سندھو ولد بشیر مسیح 23 مئی 1967 کو ٹوبہ ٹیک سنگھ میٕں پیدا ہوئے ۔ 1987 میں گورنمنٹ کالج فیصل آباد سے گریجوایشن کے بعد 1989 میں گورنمنٹ ایجوکیشن کالج فیصل آباد سے بی ایڈ کی ڈگری حاصل کی ۔1994 میں پنجاب یونیورسٹی لاء کالج لاہور سے ایل ایل بی کیا ۔ آپ انسانی حقوق کے فعال کارکن اور وکیل رہے ہیں جو پہلی دفعہ 2008 میں رکن صوبائی اسمبلی پنجاب منتخب ہوئے ۔ 2008-13 کے دوران پارلیمانی سیکرٹری برائے انسانی حقوق و اقلیتی امور کے فرائض سرانجام دیتے رہے ۔ آپ 2013 کے عام انتخابات میں مسلسل دوسری بار آٹھ اقلیتی نشستوں میں سے ایک پر رکن اسمبلی منتخب ہوئے اور وزیر برائے انسانی حقوق و اقلیتی امور فرائض سرانجام دے رہے ہیں(11-6-2013 سے 12-11-2013 تک صحت کا اضافی چارج بھی سنبھالا )۔ آپ نے اسلامی جمہوریہ پاکستان کے آئین کو اپ ڈیٹ کرنے کے ساتھ ساتھ پاکستانی انتخابی قوانین میں آج تک کی گئی ترامیم کو بھی اپ ڈیٹ کیا ۔ آپ نے پاکستان میں پولیس قواعد کا دیگر ممالک کے ان قواعد کے ساتھ موازنہ کرنے والے کاغذات بھی مرتب کیے ۔آپ نے 2012 میں ہاؤس آف لارڈز سے خطاب کےلئے برطانیہ کا دورہ کیا ۔ آپ نے انٹرنیشنل کانفرنسوں اور بالخصوص انسانی حقوق کے مسائل پر منعقدہ سیمیناروں میں شرکت کے لئے سوئٹزرلینڈ،(جنیوا)، امریکہ ،جرمنی ، کینیڈا اور نیپال وغیرہ کے متعدد بار دورے کیے ۔
رہائشی : 042-99204904 , دفتر : 042-99210202 , موبائل : 0300-9656115 , فیکس : 042-99210035
| حکومتی ادارے | عہدہ | عرصئہ ملازمت |
|---|---|---|
| پنجاب گورنمنٹ | وزیر برائے صحت | 11-06-2013 to 13-11-2013 |
| صوبائی اسمبلی پنجاب | ایم پی اے / پارلیمانی سیکرٹری برائے انسانی حقوق | 2008-13 |
| ملک | دورہ کا مقصد | دورانیہ |
|---|---|---|
| برطانیہ | To address the House of Lords |
