رانا بابر حسین ولد چودھری علی محمد 18 اگست 1973 کو میاں چنوں میں پیدا ہوئے۔آپ نے 1996 میں فلپائنیز سکول آف بزنس ایڈ منسٹریشن ،منیلا، فلپائن سے ایم بی اے کی ڈگری حاصل کی ۔آپ ایک کاروباری شخصیت اور زمیندار ہیں جو 2008-13کے دوران رکن صوبائی اسمبلی پنجاب رہےاور 22اگست 2013 کوخالی نشست پر منعقد ہونے والے ضمنی انتخابات میں مسلسل دوسری باررکن اسمبلی منتخب ہوئےاور بطور پارلیمانی سیکرٹری برائے خزانہ فرائض سر انجام دے رہے ہیں ۔آپ فلپائن ،چلی،یوایس اے،کینیا،جاپان اور یو کے کا سفر کرچکےہیں ۔’’ فلپائن میں تین معروف کار کمپنیوں کا تقابلی مطالعہ (مارکیٹنگ سٹریٹجیز )‘‘ کے عنوان سے تصنیف /ایم بی اے تھیسسز آپ کے نام سے شائع ہو چکا ہے۔
