محمد صدیق خاں ولد محمد حیات خاں یکم جولائی 1956کو ٹیکسلا میں پیدا ہوئے ۔ انہوں نے 2007 میں علامہ اقبال اوپن یونیورسٹی اسلام آباد سے گریجوایشن کی۔آپ بلحاظ پیشہ زمیندار اور بزنس مین ہیں۔2013 کے عام انتخاب میں رکن صوبائی اسمبلی پنجاب منتخب ہوئے اور اس وقت بطور چئیرمین قائمہ کمیٹی برائے تحفظ ماحول فرائض سر انجام دے رہے ہیں۔ 2002 سے 2010 کے دوران آپ مسلسل دو مرتبہ تحصیل ناظم ٹیکسلا اور 1990 کی دہائی میں ڈسٹرکٹ کونسل راولپنڈی کے رکن رہ چکے ہیں ۔آپ انڈیا ،برطانیہ ،سعودی عرب اور دبئی جا چکے ہیں ۔آپ کے بھائی غلام سرور مسلسل تین بار 1985-88،1988-90 اور 1990-93 رکن صوبائی اسمبلی پنجاب اور 2002-2007 کے دوران ممبرقومی اسمبلی /وفاقی وزیر رہ چکے ہیں ۔اس وقت ممبر قومی اسمبلی ہیں ۔آپ کے ایک اور بھائی محمد رفیق خان بھی 2008-13 رکن صوبائی اسمبلی پنجاب رہ چکے ہیں۔
