چودھری شوکت منظور چیمہ ولد چودھری منظور حسین چیمہ15 جنوری 1954 کو وزیر آباد میں پیدا ہوئے۔آپ نے 2005 میں پنجاب یونیورسٹی لاہور سے گریجوایشن کی۔آپ 1998-99 کے دوران رکن ڈسٹرکٹ کونسل گوجرانوالہ2001 کے دوران ناظم یونین کونسل نمبر 09 منظور آباد ،2001-05 کے دوران تحصیل ناظم وزیر آباد رہے ۔آپ 2001-03کے دوران چئیرمین مارکیٹ کمیٹیز، گکھڑ ،علی پور اور وزیر آباد رہے اور 1992-2004کے دوران بطور ڈائریکٹرکوآپریٹو سوسائٹیز یونین پنجاب خدمات سرانجام دیں۔ آپ زمیندار پیشہ اور کاروباری شخصیت ہیں جو 2008-13 کے دوران رکن پنجاب اسمبلی رہے اور 2013 کے عام انتخابات میں مسلسل دوسری بار رکن پنجاب اسمبلی منتخب ہوئے اور بطور چیئرمین سٹینڈنگ کمیٹی برائے سماجی بہبود و بیت المال فرائض سرانجام دے رہے ہیں ۔ آپ نے یواے ای ، برطانیہ ،سعودی عرب اور عراق کے دورے کئے ۔
