چودھری محمد ارشد ولد چودھری ولی محمد 20اپریل 1970 کو چیچہ وطنی ضلع ساہیوال میں پیدا ہوئے۔آپ نے 2001 میں بہاؤالدین زکریا یونیورسٹی ملتان سے ایل ایل بی کی ڈگری حاصل کی ۔آپ ایک زمیندار ہیں جو 2001 میں نو ماہ کے لیے ناظم یونین کونسل رہے ،2002-07اور 2008-13کے دوران رکن صوبائی اسمبلی رہے اور 2003-07کے دوران بطور چئیرمین سٹینڈنگ کمیٹی برائے تعلیم فرائض سر انجام دئیے۔2013 کے عام انتخابات میں آپ مسلسل تیسری بار رکن پنجاب اسمبلی منتخب ہوئے اور بطور معاون خصوصی وزیر اعلیٰ برائے لائیوسٹاک اینڈ ڈیری ڈویلپمنٹ خدمات سر انجام دے رہے تھے ،حال ہی میں انہیں 28 نومبر 2016 سے معاون خصوصی وزیراعلیٰ برائے کالونیز اینڈ کنسولیڈیشن آف ہولڈنگز کے فرائض سونپے گئے ہیں۔آپ ترکی ،چین،جرمنی اور یو کے کا سفر کر چکے ہیں۔آپ کے بھائی چودھری محمد حنیف پی پی 226 سے موجودہ ایم پی اے ہیں اورآپ کے ایک اور بھائی چودھری محمد طفیل بطور تحصیل ناظم چیچہ وطنی فرائض سر انجام دے چکے ہیں۔
